Home ពត៌មាន ប៉ូលីសថៃតាមចាប់ខ្លួនក្រុមនៅពីក្រោយបាតុកម្ម​ ចង់កែទម្រង់រាជាធិបតេយ្យ

ប៉ូលីសថៃតាមចាប់ខ្លួនក្រុមនៅពីក្រោយបាតុកម្ម​ ចង់កែទម្រង់រាជាធិបតេយ្យ

106
0

អាជ្ញាធរថៃ បាន​ចេញ​ដីកា​តាម​ចាប់​តាម​ចាប់​ក្រុម​សកម្មជន​ ៦នាក់ ដែល​ជា​អ្នក​នៅ​ពី​ក្រោយ​ការតស៊ូ​ដ៏​ចម្រូង​ចម្រាស់​នៅ​ក្នុង​សង្គមថៃនា​ពេល​ថ្មីៗ​នេះ ជាហេតុនាំ​ឲ្យ​ក្រុមបាតុករសុទ្ធ​សឹង​ជា​សិស្ស បាន​ទាម​ទារឲ្យ​មាន​ការ​ធ្វើ​កំណែទម្រង់​រាជជាធិបតេយ្យ​ដ៏​មាន​ឥទ្ធិពល​របសើ់​ប្រទេស​នេះ។

ក្នុង​ដីកាចាប់​ខ្លួន​នេះ​ដែរ តុលាការ​បាន​ចោទ​ប្រកាន់​អ្នក​ទាំង​ ៦រូប មិន​ត្រឹម​តែ​ជាប់​ពាក់ព័ន្ធ​ក្នុង​ការ​បំផុសឲ្យ​សិស្សា​រាប់​ពាន់​នាក់ ធ្វើ​បាតុកម្ម​ទាមទារ​ធ្វើ​កំណែទម្រង់រាជជាធិបតេយ្យថៃនោះ​ទេ ក៏​ជាប់​ពាក់​ព័ន្ធ​ការ​ទោស​បង្កមហន្តរាយដល់​សន្តិសុខ​ផ្ទៃ​ក្នុង​ជាង និង​ប៉ះពាល់​វិធានការ​ទប់​ស្កាត់​កូវីដ ១៩ របស់​ប្រទេស​ទៀត​ផង។

ក្នុង​ចំណោម​សកម្មជន​ដែល​ជា​មុខ​សញ្ញា​តាម​ចាប់​ខ្លួន​ទាំង​អស់ គឺ​រាប់​បញ្ចូលទាំង​យុវជន​ឈ្មោះ Panusaya Sithijirawattankul វ័យ ២១ឆ្នាំ ដែល​ជា​អ្នក​អាន​សន្ទុរកថា ទាម​ទារ​ឲ្យ​ធ្វើកំណែ​ទម្រង់រាជជាធិបតេយ្យ ខណៈ​ជន​ជាប់​ចោទ​ម្នាក់​ទៀត​ឈ្មោះ Anon Nampa ត្រូវ​គេ​ស្គាល់​ថា ជា​អ្នក​អំពាវ​នាវ​ឲ្យ​មាន​ការ​ធ្វើ​កំណែ​ទម្រង់​រាជវង្សថៃ​ និង​ធ្លាប់​ត្រូវ​តុលាការ​ចោទ​ប្រកាន់​ចាប់​តាំង​ពី​បាតុកម្ម​មុន​ដំបូង​មក​ម្ល៉េះ។

ថ្លែង​ប្រាប់​ភ្នាក់ងារ​ព័ត៌មាន​រ៉យទ័រ លោក Amphol Buarabporn មេបញ្ជាការ​ប៉ូលិស​ថៃ បាន​ប្រាប់​ថា ប្រសិន​បើ​អ្នក​ទាំង​ ៦ មិន​ព្រម​ចូល​មក​សារភាព​ទេ​នោះ បើ​សិន​ជា​ប៉ូលិស​ប្រទះ​ឃើញ​នៅ​ទី​ណា ពួក​គេ​នឹង​ត្រូវ​ចាប់​ខ្លួន​នៅ​ទី​នោះ​ភ្លាម។

ស្ថានភាព​ក្នុង​ប្រទេស​ថៃ​បច្ចុប្បន្ន កំពុង​តែ​វឹកវរ​ខ្លាំង ទាំង​ការប្រឹង​ប្រែង​ទប់​ស្កាត់​ការ​រីករាល​ដាល​កូវីដ ១៩ ក៏​ដូច​ជា​ការ​ទប់​ស្កាប់​បាតុកម្ម​របស់​សិស្ស និសិត្ស ដែល​កំពុង​ទាមទារ​ឲ្យ​រំលាយ​រដ្ឋាភិបាល​ថៃ ទាមទារ​នាយករដ្ឋមន្ត្រី​ប្រយុទ្ធ ចាន់អូចា ចុះចេញពី​ដំណែង អ្វី​កាន់​តែធ្វើ​ធ្ងរ គឺ​ទាម​ទារឲ្យ​ធ្វើ​កំណែ​ទម្រង់រដ្ឋធម្មនុញ្ញដែលត្រូវ​ពួក​គេ​ចង់​ទាមទារ​ដក​សិទ្ធិ​អំណាច​គ្រប់​គ្រង​រដ្ឋធម្មនុញ្ញ​ពី​ស្តេច Maha Vajiralongkorn ខណៈ​ការ​ទាម​ទារ​ទាំង​នេះ គឺ​ជា​ប្រធាន​បទ​ក្តៅ​បំផុត​ក្នុងសង្គម​ថៃ ប៉ុន្តែ​ត្រូវ​គេ​ហាម​ឃាត់​ជា​ច្រើន​ឆ្នាំ​មក​ហើយ។

យោង​តាម​ច្បាប់​ប្រទេស​ថៃ ជន​ណា​ម្នាក់​ដែល​ហ៊ានប្រមាថ​ដល់​រាជាធិបតេយ្យ នឹង​ត្រូវ​ផ្តន្ទាទោស​ជាប់​ពន្ធនាគារ​រហូត​ដល់ ១៥ឆ្នាំ។ ប៉ុន្តែ​បើ​តាម​សម្តី​របស់​លោក ប្រយុទ្ធ ចាន់​អូចា ព្រះមហាក្សត្រ​ថៃ បាន​ស្នើ​មិន​ឲ្យ​ប្រើច្បាប់​កំពូល​របស់​ថៃ​មួយ​នេះ ដើម្បី​ដាក់​ទោសទណ្ឌ​លើ​សិស្សនិសិត្ស​កំពុង​ធ្វើ​ការ​តវ៉ា​ទាំង​នោះ​ឡើយ៕

ប្រភព៖​ កម្ពុជាថ្មី