Home ពត៌មាន ស្អីក៏មានដែរ! ! ចាប់ខ្លួនអ្នកលក់ទឹកឃ្មុំ​ ធ្វេីពីស្ករត្នោត

ស្អីក៏មានដែរ! ! ចាប់ខ្លួនអ្នកលក់ទឹកឃ្មុំ​ ធ្វេីពីស្ករត្នោត

87
0

ពោធិ៍សាត់ ៖ សមត្ថកិច្ច នគរបាល ខេត្ត​ពោធិ៍សាត់ បានឃាត់ខ្លួននារី២នាក់ នៅ​ចំណុច​ភូមិ​ទួល​ជ្រាវ ឃុំ​តាលោ ស្រុក​តាលោ​សែនជ័យ កាលពីថ្ងៃទី១៩ ខែ​សីហា ឆ្នាំ​២០២០ ក្រោយ​ពេល​ពួកគេ លក់​ទឹកឃ្មុំ ​ ផលិត​ពី​ស្ករ​ត្នោត​។​

ប្រភព​ព័ត៌មាន បាន​ឲ្យ​ដឹង​ថា មុន​ពេល​កើតហេតុ ពួកគាត់ប្រទះឃើញជនសង្ស័យ២នាក់ ជិះ​ម៉ូតូ​ម៉ាក​ហុងដា​C125 មួយ​គ្រឿង គ្មានស្លាកលេខ បានដឹកទឹកឃ្មុំ ដើរលក់​ឲ្យប្រជាពលរដ្ឋទូទៅ ខណៈមកដល់ផ្ទះ​ជនរង​គ្រោះ​ឈ្មោះ ផៃ យូវ អាយុ៦០ ឆ្នាំ ភេទស្រី រស់នៅក្នុងភូមិទួលជ្រាវ ឃុំតាលោ ស្រុកតាលោសែនជ័យ និង​ឈ្មោះ ប៊ូ ម៉េងគួយ អាយុ ២២ ឆ្នាំ ភេទប្រុស ​ ។

ខណៈមកដល់ផ្ទះជនរងគ្រោះទាំងពីរ​ ជនសង្ស័យក៏បានឈប់ម៉ូតូ ចូលលក់ទឹកឃ្មុំ ចំនួន២០០លីត្រ ឲ្យពួក​គាត់​ទិញទុកសម្រាប់លក់បន្ត តែមិនបានប៉ុន្មានថ្ងៃផង ទឹកឃ្មុំនោះ ក៏ក្លាយជាក្រាមស្ករត្នោត ​ទើបដឹងថា ចាញ់​បោក​គេ ​។

មន្ត្រីនគរបាលមូលដ្ឋាន បានឲ្យដឹងថា ក្រោយពីទទួលបានព័ត៌មាន​ សមត្ថកិច្ចបានស្វែងរកមុខសញ្ញា​លក់ទឹក​ឃ្មុំ ​ដើម្បីចាត់ការ​ ។

​ចំពោះករណីនេះ សមត្ថកិច្ចបានដកហូតទឹកឃ្មុំក្លែងក្លាយ ចំនួនប្រហែល ១០០ លីត្រ និងម៉ូតូមួយគ្រឿង​រួម​ទាំង ជនសង្ស័យទាំង០២នាក់ ​៕

ប្រភព៖​ កម្ពុជាថ្មី