Home ពត៌មាន ចាប់បានក្រុមក្មេងទំនេីងដែលកាប់យុវជនមួយក្រុមរ​ រហូតមានអ្នកស្លាប់

ចាប់បានក្រុមក្មេងទំនេីងដែលកាប់យុវជនមួយក្រុមរ​ រហូតមានអ្នកស្លាប់

62
0

សៀមរាប ​៖ ​សូម​អរគុណ​ចំពោះ​កម្លាំង​អាវុធហត្ថ​ខេត្ត​សៀមរាប ដែល​ប្រឹងប្រែង​ស្រាវជ្រាវ ​រហូត​ឃាត់​ខ្លួន​ក្មេង​ទំនើង​ចំនួន​២​នាក់​ ដែល​ធ្វើ​សកម្មភាព​កាប់​ក្រុមយុវជន​១​ក្រុម​ទៀត​ មាន​គ្នា​៥​នាក់ បណ្តាល​ឲ្យ​ស្លាប់​ម្នាក់ របួសធ្ងន់​,​ស្រាល​​៤​នាក់។

​ក្នុង​នោះ ដោយ​យោង​តាម​ប្រភពច្បាស់ការ​បាន​ឲ្យ​ដឹងថា ​ការឃាត់ខ្លួននេះបានប្រព្រឹត្តឡើង កាលពី​ថ្ងៃទី​២១​ ខែ​សីហា ​ឆ្នាំ​២០២០ ទីតាំង​ផ្សេងៗ​គ្នា ​ក្នុង​ក្រុង​សៀមរាប ខេត្ត​សៀមរាប​។​

នាយ​អាវុធហត្ថ​ម្នាក់​បាន​ឲ្យ​ដឹង​ កាលពី​ព្រឹក​ថ្ងៃ​ទី​២២​សីហា​នេះ​ថា ករណី​ក្មេង​ទំនើង​ចំនួន​២​នាក់​ដែល​ធ្វើ​សកម្មភាព​កាប់​ក្រុម​យុវជន​១​ក្រុម​ទៀត​មាន​គ្នា​៥​នាក់ បណ្តាល​ឲ្យ​ស្លាប់​ម្នាក់ របួសធ្ងន់​,​ស្រាល​ចំនួន​៤​នាក់ ​នៅ​ផ្លូវ​៦០​ម៉ែត្រ ជិត​សណ្ឋាគារ​សុខា សៀមរាប ត្រូវ​កម្លាំង​អាវុធហត្ថ​ខេត្ត​សៀម​រាប តាម​ស្រាវជ្រាវ​ចាប់ខ្លួន​បាន​ហើយ​។ ​បច្ចុប្បន្ន​កម្លាំង​អាវុធហត្ថ​កំពុង​ស្រាវជ្រាវ​បន្ត​ ដើម្បី​ឈាន​ទៅ​ប្រមូល​ភស្តុតាង​បន្ថែម​ទៀត​។​

មហាជន បាន​កោតសរសើរ​កម្លាំង​អាវុធហត្ថ​ខេត្ត​សៀមរាប ដែល​បាន​បំបែកសំណុំរឿង​ឃាតកម្ម​បិទ​មុខ​នេះ​បានសម្រេច និង​ផ្លែផ្កា​ផង​ដែរ​។

សូម​រម្លឹក​ថា ករណី​ខាងលើ​នេះ​បាន​កើត​ឡើង​កាលពី​វេលា​ម៉ោង​២១​និង​៣០​នាទី​ ថ្ងៃទី​១៩ ខែ​សីហា ឆ្នាំ​២០២០ ត្រង់​ចំណុច​មុខ​សណ្ឋាគារ សុខា​សៀមរាប ផ្លូវ​៦០​ម៉ែត្រ ស្ថិត​ក្នុង​ភូមិ​ទ្រាំង សង្កាត់​ស្ល​ក្រាម ក្រុង​សៀមរាប ខេត្ត​សៀមរាប៕

ប្រភព៖​ កម្ពុជាថ្មី