ធ្ងន់ដល់កំរិត! ! ភ្លេីងឆេះព្រៃនៅ រដ្ឋកាលីហ ឆេះព្រៃនៅត្រូវការជំនួយពីខាងក្រៅ​ដេីម្បីពន្លត់

រដ្ឋកាលីហ្វ័រនីញ៉ាកំពុងពុះពារទប់ទល់នឹងភ្លើងឆេះព្រៃខណៈអ្នកពន្លត់អគ្គិភ័យជាង១២,០០០នាក់កំពុងប្រយុទ្ធប្រឆាំងនឹងអគ្គិភ័យដែលបានសម្លាប់មនុស្ស៦នាក់គិតត្រឹមពេលនេះ។

ជំនួយកំពុងត្រូវបានបញ្ជូនមកពីរដ្ឋអាមេរិកមួយចំនួនខណៈដែលលោកអភិបាល Gavin Newsom បានដាច់ចិត្តអង្វរករសុំជំនួយពីប្រទេសអូស្ត្រាលីនិងកាណាដា។

លោកបាននិយាយថា “អគ្គិភ័យទាំងនេះកំពុងបំផ្លាញធនធានបុគ្គលិករបស់យើង”។

រន្ទះបាញ់ជាង១២,០០០បានបង្កឲ្យមានអគ្គិភ័យអំឡុងពេលមានរលកកម្តៅជាប្រវត្តិសាស្រ្តដែលក្នុងនោះអាកាសធាតុនៅឧទ្យានជាតិ Death Valley បានឈានដល់អ្វីដែលអាចជាសីតុណ្ហភាពខ្ពស់បំផុតមិនធ្លាប់មានពីមុនមក។

គិតត្រឹមថ្ងៃសុក្រ ក្រុមមន្រ្តីគ្រាអាសន្នបាននិយាយថា អគ្គិភ័យមួយចំនួនបានកើនឡើងទ្វេដងបើធៀបនឹងថ្ងៃព្រហស្បតិ៍ហើយឥឡូវនេះបានបង្ខំឲ្យប្រជាជនចំនួន១៧៥,០០០នាក់ភៀសខ្លួនចេញ។

ខណៈពេលជំរុញឲ្យលោកប្រធានាធិបតី Trump ចុះហត្ថលេខាលើសេចក្តីប្រកាសអំពីគ្រោះមហន្តរាយដ៏ធំមួយ លោកអភិបាល Newsom បាននិយាយថា អគ្គិភ័យចំនួនពីរក្នុងចំណោមអគ្គិភ័យនៅពេលនេះគឺជាអគ្គិភ័យធំបំផុតទី៧និងទី១០នៅក្នុងប្រវត្តិសាស្រ្តរបស់រដ្ឋ។

ភ្លើងឆេះព្រៃអាក្រក់បំផុតនោះគឺស្ថិតនៅជួរភ្នំភាគខាងត្បូងនិងខាងកើតទីក្រុង San Francisco។

មនុស្សយ៉ាងតិច៤៣នាក់រួមទាំងអ្នកពន្លត់អគ្គិភ័យផងដែរបានរងរបួសហើយអគាររាប់រយត្រូវបានដុតបំផ្លាញនិងអគាររាប់ពាន់ទៀតកំពុងរងការគំរាមកំហែង៕

ប្រភព៖​ កម្ពុជាថ្មី