Home សេដ្ឋកិច្ច មិនសរសេីរមិនបាន! ! ចេញពីស្រុកកំណេីតមកដល់ភ្នំពេញ​ រករបរមួយនេះធ្វេីអោយគាត់រកចំណូលបានមិនក្រោម​ ១០០០$

មិនសរសេីរមិនបាន! ! ចេញពីស្រុកកំណេីតមកដល់ភ្នំពេញ​ រករបរមួយនេះធ្វេីអោយគាត់រកចំណូលបានមិនក្រោម​ ១០០០$

74
0


​ភ្នំ​ពេ​ញ
 ៖ ​ប្អូនប្រុស​ម្នាក់​ក្នុង​វ័យ​៣២​ឆ្នាំ ​បាន​រៀប​រាប់​ថា ប្អូនប្រុស​បាន​ចាក​ចេញពី​ស្រុកកំណើត​ មក​រស់នៅ​ផ្ទះ​ជួល​នៅ​ទី​ក្រុងភ្នំពេញ​  អាច​រក​ប្រាក់​ចំណូល​ជា​មធ្យម​មិន​ក្រោម​១០០០​ដុល្លារ​។

​ប្អូនប្រុស ពេជ្រ កំពត មាន​ស្រុកកំណើត​នៅ​ស្រុក​ទូក​មាស​ ខេត្ត​កំពត​ បាន​ប្រាប់​កម្ពុ​ជាថ្មី​ នៅ​ពេល​ដែល​ប្អូនប្រុស​ កំពុង​វេច​ខ្ចប់​ផ្លែឈើ​ឲ្យ​ដល់​ម៉ូយ​ថា ប្អូនប្រុស​និង​ភរិយា បានសម្រេច​ចិត្ត​ចាក​ចេញពី​ស្រុកកំណើត​មក​រស់នៅ​ផ្ទះ​ជួល ​ក្នុង​ទីក្រុង​ភ្នំពេញ​ ដោយ​ភរិយា​ប្អូន​ធ្វើការ​នៅ​រោងចក្រ​ឯ​រូប​ប្អូន​ដើរ​ទទួល​ទិញ​ផ្លែឈើ​មក​លក់​។

​ប្អូនប្រុស ពេជ្រ កំពត បាន​ប្រាប់​ទៀត​ថា​ សព្វ​ថ្ងៃ​នេះ​ ប្អូនប្រុស​ទទួល​ទិញ​ផ្លែ​ក្រូច​ពោធិ៍សាត់​មក​លក់​នៅមុខ​ផ្សារ​ច្បារអំពៅ​ ក្នុង​សង្កាត់​ច្បារអំពៅ​ទី​២​ ខណ្ឌ​ច្បារអំពៅ ​រាជធានី​ភ្នំពេញ​ ហើយ​បានការ​គាំទ្រ​ពី​អតិថិជន ​នៅ​ពេល​ដែល​ប្អូនប្រុស​យក​មក​លក់​។ ប្អូន ពេជ្រ កំពត បន្ត​ថា​ផ្លែ​ក្រូច​ពោធិ៍សាត់​របស់​ប្អូន​យក​មក​លក់​ គឺ​យក​មកពី​ខេត្ត​បាត់ដំបង ដែល​ជា​ក្រូច​ធម្មជាតិ​សុទ្ធសាធ ហើយ​ក្នុង​១​ឡូ​ទទួល​ពី​ម៉ូយ​តម្លៃ​៨០០០​រៀល​ រួច​យក​មក​ដាក់​លក់​បាន​១ឡូ​តម្លៃ​១០០០០​រៀល​។​ដូច្នេះ​ប្អូន​អាច​រក​ប្រាក់​កម្រៃ​ចំណេញ​ក្នុង​១​ឡូ ​បាន​២០០០​រៀល ​ដែល​ក្នុង​មួយថ្ងៃ​លក់​បាន​៤០០​ឡូ។

​ប្អូនប្រុស​អះអាង​ថា ប្អូនប្រុស​មិន​ទទួល​ទិញ​ផ្លែ​ក្រូច​ ដែល​ឈ្មួញ​នាំចូល​ពី​ប្រទេស​វៀតណាម​នោះទេ ​ព្រោះ​ច្រើនតែ​ស្ពោត​ហើយ​ជូរជ្រេញ​ មិន​មាន​រសជាតិ​ដូច​ផ្លែ​ក្រូច​ក្នុង​ប្រទេស​កម្ពុជា​យើង​ទេ​។ ​មុខរបរ​របស់​ប្អូនប្រុស ​គឺ​ទទួល​បាន​ប្រាក់​កម្រៃ​បាន​ល្អ​ណាស់​ ដែល​ក្នុង​១​ខែ​ប្អូនប្រុស​និង​ភរិយា​អាច​រក​ប្រាក់​ចំណូល​បាន​រហូតដល់​១០០០​ដុល្លារ​ឯណោះ​។​ ប្អូនប្រុស​និង​ភរិយា​សប្បាយចិត្ត​និង​មុខរបរ​តូចតាច​ តែ​រក​ប្រាក់​ចំណូល​បាន​ច្រើនជាង​ចាកចេញ​ទៅ​ធ្វើ​ការ​នៅ​ក្រៅ​ប្រទេស​៕​

ប្រភព៖​ កម្ពុជាថ្មី