Home ពត៌មាន អ្នកស្លាប់នៅវៀតណាមដោយកូវីដ​កេីនឡេីងម្នាក់ទៀត

អ្នកស្លាប់នៅវៀតណាមដោយកូវីដ​កេីនឡេីងម្នាក់ទៀត

38
0


ស្ត្រីវ័យ ៥១ឆ្នាំ ដែលរកឃើញមានផ្ទុកកូវីដ ១៩ បានស្លាប់បាត់បង់ជីវិត កាលពីល្ងាចថ្ងៃព្រហស្បត្តិ៍ នាំឲ្យតួលេខស្លាប់នៅវៀតណាម កើនដល់ ៣០នាក់។ នេះបើតាមការបញ្ជាក់ពីក្រសួងសុខាភិបាលប្រទេសនេះ។

អ្នកជំងឺស្លាប់ចុងក្រោយនេះ ត្រូវគេអះអាងជាអ្នករស់នៅក្នុងទីក្រុងដាណាង ប្រទេសវៀតណាម ដែលជាកន្លែងចាប់ផ្តើមផ្ទុះរាតត្បាតកូវីដ ១៩ រលកទី៣ ខណៈការស្លាប់ គឺដោយសារស្ថានភាពរាងកាយកាន់តែធ្ងន់ធ្ងរ ព្រោះគាត់មានជំងឺរ៉ាំរ៉ៃជាច្រើន។

ជាមួយគ្នានេះ គិតត្រឹមព្រឹកថ្ងៃសុក្រនេះ វៀតណាម រកឃើញករណីឆ្លងថ្មីតែ ២នាក់ប៉ុណ្ណោះ នាំឲ្យករណីឆ្លងសរុប កើនដល់ ១០៣៤នាក់ ខណៈ​ពិភពលោក​ទាំង​មូល មាន​អ្នក​ឆ្លង​សរុប ២៤ ៦២៥ ១៤៩នាក់ ស្លាប់ ៨៣៥ ៦២៧នាក់ និង​ជាសះស្បើយ ១៧ ០៩៣ ២៨៨នាក់។

អ្នក​ជំនាញ​បានព្រមាន​ថា បើ​សិនជាមិន​មាន​វ៉ាក់សាំង​ប្រឆាំង​កូវីដ​ទាន់ពេល​វេលាទេនោះ ស្ថានភាព​នឹង​កាន់​តែ​ធ្ងន់ធ្ងរ​ជាង​នេះ ព្រោះ​រលករាតត្បាតទី ៣ កំពុង​វាយ​ប្រហារ​ប្រទេស​ជាច្រើន ខណៈជំងឺ​នេះ អាច​នឹង​អូស​បន្លាយ​ដល់​ទៅ​ ២ឆ្នាំទៅ​មុខ៕

ប្រភព៖​ កម្ពុជាថ្មី