Home ពត៌មាន មេឃភ្លៀងខ្លាំងបាត់ប្តី​ខំដេីររក! ! មានអីរអិលជេីងធ្លាក់ទឹក​ ហូរកួចទៅបាត់

មេឃភ្លៀងខ្លាំងបាត់ប្តី​ខំដេីររក! ! មានអីរអិលជេីងធ្លាក់ទឹក​ ហូរកួចទៅបាត់

231
0


ស្ត្រី​ម្នាក់​ បាត់​ប្តី​ ខំ​ដើរ​រក ឆ្លងកាត់​ប្រឡាយ​ជីក ក៏​រអិល​ជើង​ ដួល​ធ្លាក់​ក្នុង​ទឹក ​ហូរ​កួច​ចូល​អាង​ស្តុក​ទឹក​ក្រុមហ៊ុន​អាន​កូ លិច​បាត់​ ​មិន​អាច​សង្គ្រោះ​បាន​​។​

ករណី​នេះ​បាន​កើត​ឡើង​ កាលពី​វេលា​ម៉ោង​ជិត​៥​ល្ងាច ថ្ងៃ​ទី​១៨ ខែ​កញ្ញា ឆ្នាំ​២០២០ ស្ថិត​នៅ​តំបន់​ព្រៃ​ក្បាលឆាយ ភូមិសាស្ត្រ​ក្រុម​ទី​១៧ ភូមិ​១ សង្កាត់​លេខ​១ ក្រុង​/​ខេត្ត​ព្រះសីហនុ​។​

សមត្ថកិច្ច​មូលដ្ឋាន​បាន​ប្រាប់​ថា ក្រោយ​កើតហេតុ​ជាច្រើន​ម៉ោង សាកសព​ស្ត្រី​រងគ្រោះ​ត្រូវ​បាន​គេ​ប្រទះ​ឃើញ​អណ្តែត​ទឹក​មក​ទើរ​ជាប់​នឹង​មែក​ឈើ កាលពី​វេលា​ម៉ោង​៩​ព្រឹក​ ថ្ងៃទី​១៩​កញ្ញា ចំណុច​ទំនប់​ទឹក (​ក្រុមហ៊ុន​អាន​កូ​)​ក្បាលឆាយ​ ក្បែរ​កន្លែង​កើតហេតុ​។

សមត្ថកិច្ច​បាន​ឲ្យ​ដឹង​ទៀត​ថា យោង​តាម​សាក្សី​ មុន​ពេល​កើតហេតុ​គេ​បាន​ឃើញ​ស្ត្រី​ ឈ្មោះ​ សុខ សាល​ន់ ភេទ​ស្រី អាយុ​៣៥​ឆ្នាំ មុខរបរ​លក់ដូរ មាន​ទីលំនៅ​ក្បែរ​កន្លែង​កើតហេតុ បាន​ដើរ​រ​ប្តី​ ​ឆ្លង​កាត់​ប្រឡាយ​ជីក។ ខណៈ​កំពុងតែ​ដើរ​នោះ ​ស្រាប់តែ​គាត់​រអិល​ជើង​ដួល ហើយ​ធ្លាក់​ចូល​​ទឹក​កំពុង​ហូរ​ខ្លាំង កួច​ជនរងគ្រោះ​រសាត់​ចូល​​ក្នុង​អាង​ស្តុក​ទឹក​លិច​បាត់​រហូត​។​ នៅ​កន្លែងកើតហេតុ បន្ទាប់ពី​ប្រទះ​ឃើញ​សាកសព​ភ្លាម គេ​ឃើញ​កម្លាំងយោធា​ក្រុង​ជាច្រើន​នាក់​ លើក​សព​ដាក់​អង្រឹង ​ហើយ​លី​សែង​យក​ទៅ​ទុក​នៅផ្ទះ​សព​។​

សមត្ថកិច្ច​ បាន​ឲ្យ​បញ្ជាក់​ថា តាម​ការ​សន្និដ្ឋាន​របស់​នគរបាល​បច្ចេកទេស​វិទ្យាសាស្ត្រ​បានឲ្យ​ដឹងថា ជន​រងគ្រោះ ពិតជា​ស្លាប់​ដោយសារ​លង់ទឹក​ពិតប្រាកដ​មែន។ ​​មិន​ជាប់​ពាក់ព័ន្ធ​នឹង​ករណី​មនុស្ស​ឃាត​នោះ​ទេ។​ បច្ចុប្បន្ន ​សាកសព សមត្ថកិច្ច​បាន​ធ្វើ​កំណត់ហេតុ​ប្រគល់ឲ្យ​​ក្រុម​គ្រួសារ​ធ្វើបុណ្យ​តាម​ប្រពៃណី​៕

ប្រភព៖​ កម្ពុជាថ្មី