Home ពត៌មាន ព័ត៌មានក្នុងស្រុក ហាង​«​ហាន់​នី​ហាន់​នី បារ​»​មិនមែន​ត្រឹម​បារ តែ​មាន​អ្វី​លើស​ពី​បារ

ហាង​«​ហាន់​នី​ហាន់​នី បារ​»​មិនមែន​ត្រឹម​បារ តែ​មាន​អ្វី​លើស​ពី​បារ

75
0

ភ្នំពេញ​៖ កម្លាំង​នាយកដ្ឋាន​ប្រឆាំង​ការ​ជួញដូរ​មនុស្ស និង​ការពារ​អ​និ​តិ​ជន នៃ​ក្រសួងមហាផ្ទៃ បាន​សហការ​ជាមួយ​សមត្ថកិច្ច​មូលដ្ឋាន បាន​ធ្វើការ​ឆ្មក់​បង្ក្រាប ហាង​ផឹកស៊ី​មួយ​កន្លែង ដែល​សង្ស័យ​បង្កប់​អោយ​មានការ​ជួញដូរ​ផ្លូវភេទ​ជាមួយ​ភ្ញៀវ ។

ការ​ចុះ​បង្ក្រាប​នេះ បាន​ធ្វើ​ឡើង​កាលពី​វេលា​ម៉ោង​០៨:៣០​នាទី​យប់ ថ្ងៃ​ទី​២៨ ខែកញ្ញា ឆ្នាំ​២០២០​នេះ នៅ​ហាង​មួយ​កន្លែង​យីហោ “​ហាន់​នី​ហាន់​នី បារ – Honey Honey Bar” ជិត​សូ​រិ​យ៉ា​ម៉​ល ស្ថិត​នៅ​ផ្លូវ​លេខ​៥១(​ប៉ាស្ទ័រ​) កែង​ផ្លូវ​១៧២ ស្ថិត​ក្នុង​សង្កាត់​ផ្សារ​ថ្មី​ទី​៣ ខណ្ឌដូនពេញ ។

តាម​ប្រភព​ព័ត៌មាន​ពី​នគរបាល​បាន​ឲ្យ​ក្រុមការងារ​ខ្មែរ​ណូ​ត​ដឹង​ថា នៅ​មុន​ពេល​ឈាន​ដល់​ការ​ចុះ​បង្ក្រាប​នៅ​ទីតាំង​នេះ កម្លាំង​នគរបាល​ជំនាញ បាន​ធ្វើការ​ស្រាវជ្រាវ ឃើញ​ថា​ទីតាំង​ខាងលើ​នេះ បើក​ភោជនីយដ្ឋាន​បារ មាន​បង្កប់​បំរើសេវា​ផ្លូវភេទ លុះ​វេលា​ម៉ោង​កើតហេតុ ទើប​កម្លាំង​ជំនាញ​ចុះ​ប្រតិបត្តិការ​ឆ្មក់​ចូល​ទីតាំង​នេះ​ធ្វើការ​ហ៊ុម​ព័ទ្ធ​ដើម្បី​ត្រួតពិនិត្យ​តែ​ម្ដង ។

តាម​ប្រភព​ព័ត៌មាន​ពី​ជន​រង​គ្រោះ​បានអោយ​ដឹង​ថា​ជា​រៀងរាល់ថ្ងៃ ទីតាំង​ហាង​បាន​បើក​រកស៊ី​ចាប់ពី​ម៉ោង​៦​ល្ងាច​រហូត​ដល់​ម៉ោង​៦​ព្រឹក ដោយ​ភ្ញៀវ​ខ្លះ​ចូល​ផឹកស៊ី និង​ភ្ញៀវ​ខ្លះ​ចូល​មក​រក​សេវា​ផ្លូវភេទ​តែ​ម្ដង​។

សូម​បញ្ជាក់​ផង​ដែរ​ក្រោយ​ចប់​ប្រតិបត្តិការ ទីតាំង​ខាងលើ​នេះ​ត្រូវ​បាន​ខ្លុ​ម​បេ​បិទ​ជា​បណ្ដោះអាសន្ន ដើម្បី​រង​ចាំ​គោល​ការ​ជា​ថ្មី​ចំពោះ​ទីតាំង​ខាងលើ​នេះ​។

ក្រោយ​ពេល​បញ្ចប់​ប្រតិបត្តិការ​នេះ​ផង​ដែរ​កម្លាំង​នគរបាល​បាន​ឃាត់ខ្លួន​មនុស្ស​ស្រី​០៨​នាក់ ក្នុង​នោះ​(​អនីតិជន​០៣​នាក់​) និង​ដក ហូត​វត្ថុ​តាង​រួម​មាន​ស្រោមអនាម័យ​ប្រើ​រួច និង​មិន​ទាន់​ប្រើប្រាស់​មួយ​ចំនួន​ផង​ដែរ បាន​នាំ​យក​មក​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន ដើម្បី​បន្ត​ការ​សាកសួរ និង​ចាត់ការ​តាម​នីតិវិធី​៕