Home ពត៌មាន ព័ត៌មានក្រៅស្រុក ស្ដ្រី​ម្នាក់​លួច​មាន​ប្រុស​ថ្មី ហើយ​សុំ​លែងលះ ប្ដី​ចិត្ត​ក្តៅ​បាញ់​សម្លាប់​ចោល

ស្ដ្រី​ម្នាក់​លួច​មាន​ប្រុស​ថ្មី ហើយ​សុំ​លែងលះ ប្ដី​ចិត្ត​ក្តៅ​បាញ់​សម្លាប់​ចោល

150
0

ស្ដ្រី​ម្នាក់​លួច​មាន​ទំនាក់ទំនង​ស្នេហា​ជាមួយនឹង​ប្រុស​ថ្មី ហើយ​សុំ​លែងលះ​គ្នា រហូត​ធ្វើ​ឲ្យ​ប្ដី​របស់​នាង​ផ្ទុះ​ភ្លើង​ប្រចណ្ឌ ដក​កាំភ្លើង​បាញ់​សម្លាប់​ចោល រួច​ហើយ​បញ្ចប់ជីវិត​ខ្លួនឯង​តាម​ក្រោយ​។ ហេតុការណ៍​ដ៏​រន្ធត់​នេះ បាន​កើតឡើង នៅ​ភាគ​ឦសាន ខេត្ត Nakhon Ratchasima ។

ប៉ូលិស​ខេត្ត Nakhon Ratchasima បាន​ឲ្យ​ដឹង​ថា ជន​បង្ក​ជា​ប្ដី ឈ្មោះ Mongkhol Aksorn អាយុ​៤៦​ឆ្នាំ ។ រីឯ​ជន​រង​គ្រោះជា​ប្រពន្ធ ឈ្មោះ Saifon Aksorn អាយុ​៣៤​ឆ្នាំ​។ ពួក​គេ​ទាំង​២​នាក់ បាន​ស្លាប់​នៅ​ក្នុង​ថ្លុកឈាម​។

ប្រភព​ព័ត៌មាន បាន​ឲ្យ​ដឹង​ថា មុន​ពេល​កើត​មាននូវ​អំពើ​ឃាតកម្ម​នោះ ស្ដ្រី​រង​គ្រោះ​បាន​មាន​ទំនាក់ទំនង​ស្នេហា​ជាមួយនឹង​ប្រុស​ថ្មី ទាំង​ខ្លួន​មាន​ប្ដី​កំពុង​រស់នៅ​ជាមួយ​។ លុះ​ក្រោយមក នាង​បាន​សុំ​លែងលះ​គ្នា​ជាមួយនឹង​ប្ដី​របស់​នាង តែ​ជនសង្ស័យ​មិន​ព្រម​។

ប្រភព​ព័ត៌មាន បាន​បន្ដ​ថា ក្រោយមក​បុរស​ជា​ប្ដី​បានដឹង​រឿងរ៉ាវ​របស់​ប្រពន្ធ​ខ្លួន ហើយ​បើករថយន្ដ​ដឹក​ប្រពន្ធ​ចេញ​ផ្ទះ​។ លុះ​បន្ដិច​ក្រោយមក ជនសង្ស័យ​បាន​បើករថយន្ដ​ដឹក​ជន​រង​គ្រោះជា​ប្រពន្ធ​ត្រឡប់​មក​វិញ រួច​ហើយ​ដក​កាំភ្លើង​បាញ់​សម្លាប់​នាង​ជា​មុន ទើប​បញ្ចប់ជីវិត​ខ្លួនឯង​តាម​ក្រោយ​។

បើ​តាម​អ្នក​ជិតខាង បាន​ឲ្យ​ដឹង​ថា គូស្នេហ៍​ទាំង​២​នាក់​ប្ដី​ប្រពន្ធ​នេះ តែងតែ​មានការ​ឈ្លោះប្រកែក​គ្នា​ជា​ញឹកញាប់​។ ករណី​នេះ​ប្រហែលជា​មក​ពី​ស្ដ្រី​ជា​ប្រពន្ធ​បែកឆ្វេង លួច​មាន​ទំនាក់ទំនង​ស្នេហា​ជាមួយ​ប្រុស​ផ្សេង ទើប​ធ្វើ​ឲ្យ​បុរស​ជា​ប្ដី កើតការ​ប្រចណ្ឌ ហើយ​បង្ក​ជា​ទំនាស់​នឹង​គ្នា​បែប​នេះ​។ លុះ​មក​ដល់​ថ្ងៃ​កើតហេតុ ក៏​គេ​ឮ​សំឡេង​បំផ្ទុះ​កាំភ្លើង បង្ក​ឲ្យ​មាន​មនុស្ស​ស្លាប់​បែប​នេះ​តែ​ម្ដង​៕