Home ពត៌មាន ព័ត៌មានក្នុងស្រុក កម្ពុជា ទទួល​រង​ឥទ្ធិពល​វិ​សម្ពាធ​ទាប​អាច​ឲ្យ​មាន​ភ្លៀង និង​ខ្យល់​កើនឡើង អំឡុង​ពេលប៉ុន្មានថ្ងៃនេះ

កម្ពុជា ទទួល​រង​ឥទ្ធិពល​វិ​សម្ពាធ​ទាប​អាច​ឲ្យ​មាន​ភ្លៀង និង​ខ្យល់​កើនឡើង អំឡុង​ពេលប៉ុន្មានថ្ងៃនេះ

122
0

ប្រព័ន្ធ​សម្ពាធ​ទាប បាន​បន្ត​លាត​ស​ន្ទឹ​ង​ឆ្លងកាត់​លើ​កម្ពុជា ដោយ​ភ្ជាប់​ទៅ​នឹង​សម្ពាធ​ទាប​មួយ​នៅ​លើ​សមុទ្រ​ចិន​ខាងត្បូង​។ ដោយឡែក​នៅ​លើ​សមុទ្រ​ចិន​ខាងត្បូង នឹង​កើត​មាន​វិ​សម្ពាធ​ទាប ឬ​ព្យុះ ដើរ​សំដៅ​ឆ្ពោះទៅ​ភាគ​ខាងត្បូង​ប្រទេស​វៀតណាម នៅ​ថ្ងៃ​ទី​៧ ខែតុលា ឆ្នាំ​២០២០​។

ស្ថានភាព​អាកាសធាតុ​បែប​នេះ នឹង​ធ្វើ​ឲ្យ​បណ្តា​ខេត្ត​ក្រុង​ស្ទើរ​ទូ​ទាំង​ប្រទេស​កម្ពុជា មាន​ភ្លៀង និង​ខ្យល់​កើនឡើង ក្នុង​អំឡុង​ថ្ងៃ​ទី​៧ ដល់​ថ្ងៃ​ទី​៩ ខែតុលា ឆ្នាំ​២០២០​នេះ​។ ចំពោះ​បណ្តា​រាជធានី ខេត្ត​នៅ​ភាគ​ខាងត្បូង ខេត្ត​នៅ​ភាគ​ខាងកើត​ជាប់​ប្រទេស​វៀតណាម និង​បណ្តា​ខេត្ត​នៅ​ជាប់​តំបន់​មាត់សមុទ្រ អាច​នឹង​មាន​ភ្លៀង​ធ្លាក់​ច្រើន ដែល​ធ្វើ​ឲ្យ​ទី​ទំនាប​ក្បែរ​ផ្លូវទឹក តំបន់​ភ្នំ និង​តំបន់​ជួរ​ភ្នំក្រវាញ ប្រឈម​នឹង​ជំនាន់​ទឹកភ្លៀង ជាមួយ​គ្នា​នេះ​ដែល នៅ​តំបន់​មាត់សមុទ្រ និង​លើ​ផ្ទៃសមុទ្រ អាច​មាន​ខ្យល់​បក់​បោក​ខ្លាំង និង​រលក​ខ្ពស់​ៗ ។

ជា​ពិសេស សូម​មេត្តា​បងប្អូន​ប្រជាពល់រដ្ឋ​ដែល​រស់នៅ​តំបន់​មាត់សមុទ្រ បង្កើន​ការ​ប្រុង​ប្រយ័ត្ន​ខ្ពស់ ក្នុងអំឡុងពេល​ដែល​កម្ពុជា​រង​សម្ពាធ​នៃ​ឥទ្ធិ​ផល​មួយ​នេះ​៕