Home ពត៌មាន ព័ត៌មានក្នុងស្រុក ពន្ធនាគារ​ខេត្តបន្ទាយមានជ័យ រង​ការ​វាយប្រហារ​ដោយ​ទឹកជំនន់

ពន្ធនាគារ​ខេត្តបន្ទាយមានជ័យ រង​ការ​វាយប្រហារ​ដោយ​ទឹកជំនន់

35
0

ខេត្តបន្ទាយមានជ័យ ៖ ពន្ធនាគារ​ខេត្តបន្ទាយមានជ័យ រង​ការ​វាយប្រហារ​ដោយ​ទឹកជំនន់ ហើយ​គណៈ​គ្រប់គ្រង​នៅ​ទីនោះ ត្រូវ​បង្ខំចិត្ត​ជម្លៀស​អ្នក​ជាប់​ឃុំ​ទាំងអស់ ទៅ​ពន្ធនាគារ​ខេត្ត​ផ្សេង​ៗ ដែល​នៅ​ក្បែរ​។ របាយការណ៍​បាន​ឲ្យ​ដឹង​ថា ចំនួន​ជន​ជាប់​ឃុំ​ក្នុង​ពន្ធនាគារ​នេះ មាន​១,៦០០​នាក់ ក្នុង​នោះ​ស្រី​១០០​នាក់​។

បើ​តាម​ប្រភព​ស្នងការ​នគរបាល​ខេត្ត​បាន​ឲ្យ​ដឹង​ថា កម្លាំង​នគរបាល​ខេត្ត​ចំនួន​៦៣០​នាក់ រួម​ជាមួយ​រថយន្ត អាវ​ពោង និង​កាណូត បាន​ចុះ​ជួយ​ពន្ធនាគារ​ខេត្តបន្ទាយមានជ័យ​ដែល​កំពុង​ជន់​លិច​ទឹក ដូច​ជា ការ​ឈរជើង​យាម​ពន្ធនាគារ ការពារ​ដឹក​ជញ្ជូន​ចេញ​អ្នក​កំពុង​ជាប់​ឃុំ ទៅ​ដាក់​ពន្ធនាគារ​ខេត្តសៀមរាប ក្នុង​នោះ​កម្លាំង​២៣០​នាក់​ទៀត​រួម​ជាមួយ​សំភារ​ត្រៀម​បំរុង​នៅ​ស្នងការដ្ឋាន​សំរាប់​ជំនួយ​បន្ថែម​។

បើ​តាម​ភ្នាក់ងារ​បាន​រាយការណ៍​ថា ក្រុមហ៊ុន ឡេ​ង ណា​វ៉ា​ត្រា បាន​ជួយ​រថយន្តក្រុង​ចំនួន​១០​គ្រឿង ដើម្បី​ដឹក​អ្នកទោស​ទៅ​កាន់​កន្លែង​មាន​សុវត្ថិភាព​ផង​ដែរ​។

សូម​ជម្រាប​ថា រហូត​មក​ដល់​ពេល​នេះ ទឹកជំនន់​បាន​វាយប្រហារ​យ៉ាង​ខ្លាំង​ដល់​ខេត្តបន្ទាយមានជ័យ​។ របាយការណ៍​បញ្ជាក់​ថា ទឹក​ជន់​លិច​នៅ​ស្រុក​ចំនួន​៨ និង​ឃុំ​៣៣ ប៉ះពាល់​ប្រជា​ល​រដ្ឋ​ជិត​៣​ពាន់​គ្រួសារ ស្លាប់​៥​នាក់ និង​ប៉ះពាល់​សន្ទូង និង​ផលដំណាំ​ផ្សេង​ៗ​ជិត​៦​ពាន់​ហិ​កតា​៕