Home ពត៌មាន ព័ត៌មានក្នុងស្រុក អភិបាលខេត្ត​កំពង់ស្ពឺ ប្រកាស​អាសន្ន​ម៉ោង​៤​ល្ងាច​នេះ ក្រុង​ច្បារមន​ទាំងមូល​នឹង​ត្រូវ​ជន់​លិច​ខ្លាំង សូម​បងប្អូន​រើ​អីវ៉ាន់​ចេញពីផ្ទះ​បន្ទាន់ ទៅ​រក​ទីទួល​មាន​សុវត្ថិភាព

អភិបាលខេត្ត​កំពង់ស្ពឺ ប្រកាស​អាសន្ន​ម៉ោង​៤​ល្ងាច​នេះ ក្រុង​ច្បារមន​ទាំងមូល​នឹង​ត្រូវ​ជន់​លិច​ខ្លាំង សូម​បងប្អូន​រើ​អីវ៉ាន់​ចេញពីផ្ទះ​បន្ទាន់ ទៅ​រក​ទីទួល​មាន​សុវត្ថិភាព

84
0

កំពង់ស្ពឺ​៖ អភិបាលខេត្ត​កំពង់ស្ពឺ ឯកឧត្តម វ៉ី សំណាង នៅ​រសៀល​ថ្ងៃ​ទី​១៤ ខែតុលា ឆ្នាំ​២០២០​នេះ បាន​ប្រកាស​ថា រយៈពេល​២​ម៉ោង​ទៀត ពោល​ម៉ោង​៤​ល្ងាច ក្រុង​ច្បារមន​ទាំងមូល​នឹង​ជន់​លិច​ខ្លាំង និង​មួយ​ចំណែក នៅ​ស្រុក​សំរោង​ទង​។

ឯកឧត្តម វ៉ី សំណាង បាន​ប្រកាស និង​ជូនដំណឹង​ដល់​ប្រជាពលរដ្ឋ​រស់នៅ​ភូមិ​រលោង ភូមិ​ព្រៃ​ស្លឹក ភូមិ​កា​ហែង ភូមិ​កាប់​ទូក ភូមិ​ភ្នំ​ដី ភូមិ​ថ្មី ភូមិ​ក្រវៀន ភូមិ​ព្រៃ​បេង ភូមិ​តាំង​ក្រូច ភូមិ​សំពៅ ក្នុង​ក្រុង​ច្បារមន​ទាំងមូល និង​ស្រុក​សំរោង​ទង​មួយ​ចំណែក ត្រូវ​រើ​សម្ភារ​ផ្សេង​ៗ​នៅ​ក្នុងផ្ទះ ចេញ​ទៅ​រក​ទីទួល​សុវត្ថិភាព​ជា​បន្ទាន់​។

អភិបាលខេត្ត​កំពង់ស្ពឺ បាន​ថ្លែង​យ៉ាង​ដូច្នេះ​ថា «​សូម​គោរព​ជម្រាប​ជូន​ពុក​ម៉ែ​មាមីង​បងប្អូន​មេត្តា​ជ្រាប​ថា​នៅ ២​ម៉ោង​ទៀត​(​ម៉ោង​១៦) ទឹកជំនន់​នឹង​កើត​មាននៅ​ចំណុច ភូមិ​រលោង ព្រៃ​ស្លឹក កា​ហែង ភូមិ​កាប់​ទូក ភូមិ​ភ្នំ​ដី ភូមិ​ថ្មី​ភូមិ ក្រវៀន ព្រៃ​បេង តាំង​ក្រូច សំពៅ និយាយ​រួម​គឺ​ក្រុង​ច្បារមន​ទាំងមូល​ហើយ​និង​ស្រុក​សំរោង​ទង​មួយ​ចំណែក​មួយ​ផ្នែក​។ សេចក្តី​ដូច​បាន​ជម្រាប​ជូន​ខាងលើ​សូម​ពុក​ម៉ែ​មាមីង​បងប្អូន​ដែល​មាន​ភូមិ​ពាក់ព័ន្ធ​ទាំងអស់​ប្រ​ញ៉ាប់ រើ​អីវ៉ាន់​ឡើង​ដាក់​លើ​ទីទួល​សុវត្ថិភាព​ឲ្យ​បាន​ត្រឹមត្រូវ​។​ជាង​នេះ​ទៅ​ទៀត ត្រូវ​ត្រួតពិនិត្យ​ទៅ​លើ​ចាស់ជរា កុមារ​ដែល​ងាយ​រង​នូវ​ផល​ប៉ះពាល់​មុនគេ​។ សូម​អរគុណ​»៕