Home ព័ត៌មានកីឡា កំពូល​កីឡាករ​បាល់​ទាល់ Cristiano Ronaldo ឆ្លងកូវីដ១៩ហើយ

កំពូល​កីឡាករ​បាល់​ទាល់ Cristiano Ronaldo ឆ្លងកូវីដ១៩ហើយ

42
0

កំពូល​កីឡាករ​បាល់​ទាល់ Cristiano Ronaldo បាន​តេស្ដ​វិជ្ជមាន​ជំងឺ COVID-19 ។ នេះ​បើ​យោង​តាម​ការ​ចុះ​ផ្សាយ​របស់​សារព័ត៌មាន CNN នៅ​ថ្ងៃ​ទី​១៣ ខែតុលា ឆ្នាំ​២០២០​។

យោង​តាម​សេចក្តីថ្លែងការណ៍​បានឱ្យ​ដឹង​ថា កីឡាករ Ronaldo គឺ «​មាន​សុខភាព​ល្អ គ្មាន​រោគ​សញ្ញា និង​កំពុង​នៅ​ដាច់​ដោយឡែក​»​។ រំលឹក​ដែរ​ថា​ខ្សែប្រយុទ្ធ​របស់​ក្រុម​សេះបង្កង់​វ័យ ៣៥​ឆ្នាំ​រូប​នេះ បាន​លេង​ឱ្យ​ក្រុម​ជម្រើសជាតិ​ព័រ​ទុ​យ​ហ្កា​ល់ ទ​ទល់​ជាមួយ​បារាំង ក្នុង​ពានរង្វាន់ UEFA Nations League កាលពី​ថ្ងៃអាទិត្យ និង​បាន​ជួប​អេ​ស្ប៉ា​ញ ក្នុង​ការ​ប្រកួត​មិត្តភាព​កាលពី​ស​ប្តា​ហ៍​មុន​។

ដូច្នេះ​កីឡាករ Ronaldo នឹង​ត្រូវ​ខកខាន​ការ​ប្រកួត UEFA Nations League ទ​ទល់​ជាមួយ​ស៊ុ​យ​អែ​ត​នៅ​ថ្ងៃ​ពុធ ក៏​ដូច​ជា​ការ​ប្រកួត​នា​ពេល​ខាង​មុខ​របស់​ក្រុម Juventus ដែល​រួម​មានការ​ប្រកួត​នៅ​ក្រប​ខណ្ឌ Serie A ជាមួយ​ក្លឹ​ប Crotone និង​ការ​ប្រកួត​ក្របខ័ណ្ឌ Champions League ជាមួយ​ក្លឹ​ប Dynamo Kyiv ។

បន្ទាប់​ពី​ការ​ធ្វើតេស្ត​វិជ្ជមាន​របស់​កីឡាករ Cristiano Ronaldo សហព័ន្ធ​កីឡាបាល់ទាត់​ព័រ​ទុ​យ​ហ្កា​ល់​ក៏​បាន​និយាយ​ដែរ​ថា រាល់​កីឡាករ​ទាំងអស់​ត្រូវ​បាន​ធ្វើតេស្ដ​រក​ជំងឺ ហើយ​លទ្ធផល​គឺ​អវិជ្ជមាន​គិត​ត្រឹម​ព្រឹក​ថ្ងៃ​អង្គារ​៕