Home ពត៌មាន ព័ត៌មានក្នុងស្រុក ក្មេងចាស់១៣នាក់ ស្លាប់ក្នុងគ្រោះជំនន់ទឹកភ្លៀង

ក្មេងចាស់១៣នាក់ ស្លាប់ក្នុងគ្រោះជំនន់ទឹកភ្លៀង

80
0

ភ្នំពេញ ៖ អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះ​ម​យន្ត​រាយ​បាន​ឲ្យ​ដឹង មក​ដល់​ថ្ងៃ​ទី​១៦ ខែតុលា ឆ្នាំ​២០២០ មាន​អ្នក​ស្លាប់​ដោយសារ​ជំនន់​ទឹកភ្លៀង​មាន​ចំនួន​១៣នាក់​ហើយ ។

លោក សុទ្ធ គឹ​ម កុ​ល​មុនី​អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ​បាន​ឲ្យ​ដឹង​នៅ​ថ្ងៃ​ទី​១៦ ខែតុលា ឆ្នាំ​២០២០​ថា គិត​ត្រឹម​ថ្ងៃ​ទី​១៦​តុលា ឆ្នាំ​២០២០ អ្នក​ស្លាប់​ដោយសារ​ជំនន់​ទឹកភ្លៀង​មាន​ចំនួន​១៣នាក់ ដែល​ក្នុង​នោះ​មាន​ក្មេង​៥​នាក់ មនុស្ស​ចាស់​៨​នាក់ ក្នុង​ខេត្ត​ចំនួន​៦​រួម​មាន ៖ បន្ទាយ​មាន​ជ័យ ព្រះ​សីហ​នុ ពោធិ៍សាត់ ប៉ៃលិន កំពង់ធំ កណ្តាល ។

អ្នកនាំពាក្យ​បាន​ឲ្យ​ដឹង​ថា ជំនន់​ទឹកភ្លៀង​បាន​វាយប្រហារ​ខេត្ត​ចំន​នួ​១៩ រាជធានី ខេត្ត (​គិត​ពី​ថ្ងៃ​ទី​១ ខែកញ្ញា ដល់​ថ្ងៃ​ទី​១៦ ខែតុលា ឆ្នាំ​២០២០-​ព្រឹក​)​ប៉ះពាល់​១៩ រាជធានី -​ខេត្ត ស្មើ ៧១​ក្រុង​/​ស្រុក​/​ខណ្ឌ ២៨២​ឃុំ​/​សង្កាត់ រួម​មាន​៖ ពោធិ៍សាត់ ប៉ៃលិន បន្ទាយ​មាន​ជ័យ ភ្នំពេញ បាត់ដំបង ស្វាយ​រៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះ​សីហ​នុ កោះកុង ព្រះ​វិហារ ស្ទឹង​ត្រែង កំពង់ចាម កណ្តាល កំពង់ឆ្នាំង កំពង់ធំ ។

ប៉ះពាល់​ប្រជាជន​ប្រមាណ ៥៣.១៦៩ គ្រួសារ ស្មើ​ប្រមាណ ២១២,៦៧៦ នាក់ ។ ប្រជាជន​ជម្លៀស​ប្រមាណ ៦,២៩៨​គ្រួសារ ស្មើ​ប្រមាណ ២៥,១៩២​នាក់ ប្រជាជន​ស្លាប់ ១៨​នាក់ (​ក្មេង ៨​នាក់​)​។ ផ្ទះ​ប៉ះពាល់​ប្រមាណ ៥១,១៣៣​ខ្នង ផ្ទះ​ខូចខាត​៥២​ខ្នង សាលារៀន​លិច​ទឹក ៤៣៩​កន្លែង​។ ស្រូវ​លិច​ទឹក​ប្រមាណ ១៣៧,១៦០​ហិ​កតា ក្នុង​នេះ ខូចខាត​ប្រមាណ ៦,២៣១​ហិ​កតា​។ ដំណាំ​រួម​ផ្សំ​លិច​ទឹក ៦៧,៤៩០​ហិ​កតា ក្នុង​នេះ ខូចខាត​ប្រមាណ ២៩,៩៤៧​ហិ​កតា​។

ផ្លូវជាតិ ផ្លូវ​ខេត្ត ផ្លូវ​គ្រួ​ស​ក្រហម​ប៉ះពាល់​ប្រមាណ ២៨៤ គ​.​ម​។ ផ្លូវលំ​ជនបទ​លិច​ទឹក​ប្រមាណ ១,៤៥៩ គ .​ម និង ៣១​ខ្សែ​។​ស្ពាន​លិច​ទឹក​ប្រមាណ ២៤​កន្លែង ។ ទំនប់​ប៉ះពាល់​ប្រមាណ ២២.១ គ .​ម ប្រឡាយ​មេ ប្រឡាយ​រង ប្រឡាយ​ស្រោចស្រព ប៉ះពាល់​ប្រមាណ​៧៩.៦​គ​.​ម​និង​ច្រាំង​ទន្លេរ​ប៉ះពាល់​៤១០​គ​.​ម ៕