Home ពត៌មាន ព័ត៌មានក្នុងស្រុក ដើមឈើ៣ដើមមានអាយុ៣០០ឆ្នាំក្នុងចំណោម៥០ដើម​ ត្រូវកាប់ចេញ

ដើមឈើ៣ដើមមានអាយុ៣០០ឆ្នាំក្នុងចំណោម៥០ដើម​ ត្រូវកាប់ចេញ

32
0

ដើមឈើធំៗជាច្រើនដើមនៅលើសួនកាណាឌីយ៉ានៅមុខមន្ទីរពេទ្យអង្គឌួង ស្ថិតក្នុងខណ្ឌដូនពេញមានអាយុកាលជាង៣០០ឆ្នាំ ចំនួន៣ដើមគ្រោង នឹកកាប់យកចេញនៅសប្តាហ៍ក្រោយ​នេះ មូលហេតុដោយសារតែដើមឈើទាំងនោះ ពុកគល់ប្រហោងក្នុង ងាយបង្ក គ្រោះ ថ្នាក់ ដល់ប្រជាពលរដ្ឋ​នេះបើតាមការបញ្ជាក់ពី​​ លោកសំ សាមុត ប្រធានអង្គភាពសួនច្បារ និងរុក្ខជាតិ នៃមន្ទីរសាធារណការ និងដឹកជញ្ជូនរាជធានីភ្នំពេញ។

ប្រភពដដែលក៏បានឲ្យដឹងថា​ នៅព្រឹកថ្ងៃ៨ ខែមករា ឆ្នាំ២០២១នេះ ថា “ដើមឈឺធំៗ នៅសួនកាណាឌីយ៉ា មុខពេទ្យព្រះអង្គឌួង មានចំនួនប្រមាណ៥០ដើម និងមានអាយុកាល ប្រមាណជាជាង៣០០ឆ្នាំមកហើយមកដល់សព្វថ្ងៃនេះ។​

លោកក៍បានបន្តទៀតថា​ ពេលនេះយើងមិនអាចទុកដើមឈើនេះបន្តទៀតទេ ដោយសារតែដើមឈើធំទាំងបីនេះ​ចាស់​នឹងពុកគល់ ប្រហោងក្នុង​ផង​​ ជាមូលហេតុដែលវាងាយបង្កគ្រោះថ្នាក់ផ្សេងៗ ដល់អ្នកដំណើរ និងប្រជាពលរដ្ឋ​ដែលរស់នៅតំបន់នោះផងដែរ ហើយគ្រោងនឹងកាប់ យកចេញ នៅសប្តាហ៍នេះដោយមានការឯកភាព ពីក្រសួងកសិកម្មរុក្ខាប្រមាញ់ និងនេសាទផងដែរ។

ដើមឈឺធំៗចំនួន៣ដើម ក្នុងចំណោម៥០ដើម ដែលមានប្រមាណជាជាង៣០០ឆ្នាំ ត្រូវបានកាប់ ហើយដាំដើមឈើថ្មីជំនួសវិញ ដើម្បីលើកសោភ័ណភាពរាជធានីភ្នំពេញឲ្យកាន់តែស្រស់បំព្រង៕