Home ពត៌មាន ព័ត៌មានក្នុងស្រុក បន្លំគេថាជា​ ក្រុមការងារ​មេធាវី​ការពារ​ជន​ក្រីក្រ បានលុយហើយបាត់ស្រមោលឈឹង

បន្លំគេថាជា​ ក្រុមការងារ​មេធាវី​ការពារ​ជន​ក្រីក្រ បានលុយហើយបាត់ស្រមោលឈឹង

33
0

បាត់ដំបង​៖ ប្រជាពលរដ្ឋ​ពីរ​នាក់​ឈ្មោះ មូល សៅ​ឌី និង ឈ្មោះ ឆាង ឡា​ង រស់នៅ​ភូមិ អូរ​ល្គុ​ន ឃុំ ផ្លូវ​មាស ស្រុក រតន​មណ្ឌល ខេត្តបាត់ដំបង បាន​ប្តឹង​សមត្ថកិច្ច​ថា​៖ កន្លង​មក​មាន​ស្ត្រី​ម្នាក់​បាន​តាំងខ្លួន​ជា ក្រុមការងារ​មេធាវី​ការពារ​ជន​ក្រីក្រ បាន​បោកប្រាស់​លុយ​ពួក​គាត់​អស់ ៤​ពាន់​ដុល្លារ ជា​លុយ​ឲ្យ​ជួយ​រត់ការ និង​ការពារ​រឿង​ក្តី​គ្រួសារ​របស់​ខ្លួន​។ ក្រោយ​ប្រមូល​បាន​លុយ ៤.០០០​ដុល្លារ ស្ត្រី​រូប​នោះ​ក៏​បាន គេចខ្លួន​រហូត​មក​ទល់​នឹង​ពេល​នេះ​។

ប្រជាពលរដ្ឋ​រង​គ្រោះ​ដដែល​បានឱ្យ​ដឹង​ថា​៖​ដោយ​ដឹង​ថា ខ្លួន​ចាញ់បោក​គេ ពួក​គាត់​ក៏​បាន​ដាក់​ពាក្យបណ្តឹង​ទៅ​កាន់​សាលាដំបូង​ខេត្តបាត់ដំបង និង​ស្វែងរក​អន្តរាគមន៍​ពី​ក្រុម​មេធាវី​ស្ម័គ្រចិត្ត​របស់​រាជរដ្ឋាភិបាល ដើម្បី​ឱ្យ​ជួយ​ដោះស្រាយ​ជូន​ពួក​គាត់​។

ចំណែក​ស្ត្រី​ដែល​គេ​ចោទប្រកាន់​ថា បាន​បោក​យក​លុយ​ដើម្បី​ទៅ​រត់ការ​រឿង​ក្តី​នោះ ត្រូវ​គរ​អះអាង​ថា អ្នក​រង​គ្រោះ​បាន​ប្រាប់​សមត្ថកិច្ច​ថា​៖ ពួក​គេ​បាន​ស្គាល់ឈ្មោះ និង​មាន​អាយុ​ប្រហែល ៥៨​ឆ្នាំ មាន​ទីលំនៅ ភូមិ​ស្រែ​ស្អាង ឃុំ​ស្រែ​ស្អាង ស្រុក​ស្អាង ខេត្តកណ្តាល​៕

ប្រភព៖ សូម​ប្រយ័ត្ន​ផង​៖​មាន​ស្ត្រី​ម្នាក់​តាំងខ្លួន​ជា​មេធាវី​ការពារ​ជន​ក្រីក្រ​បោក​លុយ​គេ​នៅ​ខេត្តបាត់ដំបង