Home ពត៌មាន ខ្លាំង​របស់​គេ​!! ខឹង​ប្អូន​ពូកែ​យក​រថយន្ត​ជិះ​ដើរ​លេង​ពេក ដុត​រថយន្ត​ចោល​តែ​ម្តង

ខ្លាំង​របស់​គេ​!! ខឹង​ប្អូន​ពូកែ​យក​រថយន្ត​ជិះ​ដើរ​លេង​ពេក ដុត​រថយន្ត​ចោល​តែ​ម្តង

632
0

បន្ទាយ​មាន​ជ័យ​៖ បុរស​ម្នាក់​បាន​ខឹងសម្បា​នឹង​ប្អូនបង្កើត​របស់​ខ្លួន​យក​រថយន្ត​បើក​ដើរ​លេង​មិន ប្រាប់​ខ្លួន ដល់​ត្រឡប់​មក​វិញ​ក៏​ជជែក​គ្នា​រហូត​ដល់​ផ្ទុះ​ហិង្សា​ឈាន​ដល់​ដុត​រថយន្ត​ខ្លួនឯង​ចោល​បង្ក​ការ ភ្ញាក់ផ្អើល​។

ហេតុការណ៍​នេះ​បាន​កើតឡើង​នៅ​វេលា​ម៉ោង​៧​និង​៣០​នាទី​យប់ ថ្ងៃ​ទី​១៤ ខែមេសា ឆ្នាំ​២០១៩ ក្នុង​បរិវេណ​សាកលវិទ្យាល័យ​បៀ​ល​ប្រាយ ស្ថិត​ភូមិ​អូរ​អំបិល ក្រុង​សិរី​សោភ័ណ ខេត្តបន្ទាយមានជ័យ​។

ប្រភព​ពី​សមត្ថកិច្ច​បាន​ឲ្យ​ដឹង​ថា​៖ បុរស​ដែល​ដុត​រថយន្ត​ខ្លួនឯង​ចោល​នោះ​មានឈ្មោះ ផុ​ន សក្ក​ដា ហៅ​ដា អាយុ​៣០​ឆ្នាំ និង​ប្អូន​ឈ្មោះ ផុ​ន ឧ​ភា​ល័យ ហៅ​ណា​ផា អាយុ​២៥​ឆ្នាំ​។ ដោយឡែក​រថយន្ត​ម៉ាក​TOYOTA CAMARY CROWN ពណ៌​ត្រេ​អ៊ី សេរី​០១​។ មុន​ពេល​កើតហេតុ​គឺ​ប្អូន​របស់​ឈ្មោះ ផុ​ន សក្ក​ដា បាន​យក​រថយន្ត​បើក​ដើរ​លេង​ហើយ​បាន​ខឹងសម្បា​យ៉ាង​ខ្លាំង ខណៈ​ដែល​ប្អូន​របស់​ខ្លួន​ត្រឡប់​វិញ​ក៏​កើត​មាន​សម្តី​ប្រកែក​គ្នា​យ៉ាង​ខ្លាំង​ទើប​ឈាន​ដល់​ផ្ទុះ​ហិង្សា​ដុត​រថយន្ត​របស់​ខ្លួន​ចោល​តែ​ម្តង​។

ក្រោយ​ពេល​កើតហេតុ​ដូច្នេះ លោក​ឧត្តមសេនីយ៍ទោ អាត់ ខែ​ម ក៏​បាន​បញ្ជា​ឲ្យ​ក្រុម​បង្កា និង​ពន្លត់​អគ្គិភ័យ​ចេញ​រថយន្ត​ទៅ​អន្តរាគមន៍​ភ្លាម​ៗ​ផង​ដែរ ចៀសវាង​ការ​ឆាបឆេះ​រាលដាល​ដល់​ផ្ទះសម្បែង​ពលរដ្ឋ​ជាយថាហេតុ​៕

ប្រភព៖ អគ្គស្នងការនគរបាលជាតិ