Home ពត៌មាន អធិការរង​ខណ្ឌដង្កោ ២​រូប កំពុង​ត្រូវ​បាន​សាកសួរ​ក្នុង​សំណុំរឿង​ប្រើ​អំពើ​ហិង្សា​ទៅ​លើ​មន្ត្រី កិច្ចសន្យា​របស់ ACU

អធិការរង​ខណ្ឌដង្កោ ២​រូប កំពុង​ត្រូវ​បាន​សាកសួរ​ក្នុង​សំណុំរឿង​ប្រើ​អំពើ​ហិង្សា​ទៅ​លើ​មន្ត្រី កិច្ចសន្យា​របស់ ACU

356
0

ភ្នំពេញ​៖ ចំពោះ​ករ​ណិ​អធិការរង​ខណ្ឌដង្កោ ២​រូប និង​បក្សពួក បាន​ប្រើ​អំពើ​ហិង្សា​ទៅ​លើ មន្ត្រី​ជាប់កិច្ចសន្យា​របស់ ACU កាលពី​ពេល​កន្លង​ទៅ​នោះ​។ នា​ព្រឹក​ថ្ងៃ​ទី​១៨ ខែមេសា ឆ្នាំ​២០១៩​នេះ នគរបាល​ព្រហ្មទណ្ឌ​កំរិត​ធ្ងន់ បាន​កំពុង​តែ​ធ្វើការ​សាកសួរ​ចំពោះ អធិការរង​ទាំង ២​រូប​នោះ​។

គួរ​បញ្ជាក់​ថា កាលពី​ថ្ងៃ​ទី​៩ ខែមេសា ឆ្នាំ​២០១៩ ជន​រង​គ្រោះ​ដែល​មានឈ្មោះ ឃឹម ខុ​ម ភេទ​ប្រុស អាយុ ៦៤​ឆ្នាំ រស់នៅ​ភូមិ​ព្រែក​រទាំង សង្កាត់​ព្រែក​កំពឹស ខណ្ឌដង្កោ ជា​មន្ត្រី​ជាប់កិច្ចសន្យា នៃ​អង្គភាព​ប្រឆាំង​អំពើ​ពុក​រលួយ បាន​ត្រូវ​ប៉ូ​លី​ស​មួយ​ក្រុម ដែល​ត្រូវ​បាន​ស្គាល់​ថា​មាន​លោក វរសេនីយ៍ទោ នាក់ ណា រ៉ូ អធិការរង​ទទួល​ការងារ​ចរាចរណ៍​ខណ្ឌដង្កោ​, លោក វរសេនីយ៍ត្រី ជុំ រ​ដ្ឋា អធិការរង ទទួល​ការងារ​សណ្ដាប់ធ្នាប់ និង​លោក អនុសេនីយ៍ទោ ម៉េ ត រតនា មន្ដ្រី​នគរបាល​ចរាចរណ៍ និង មន្ត្រី​ប៉ូលិស​មួយ​ចំនួន​ទៀត បាន​ប្រើ​អំពើ​ហិង្សា ទៅ​លើ​ជន រង​គ្រោះ​។

ក្នុង​នោះ​នាយ​ឧត្តមសេនីយ៍​សន្តិ​បណ្ឌិត នេ​ត សា​វឿ​ន អគ្គស្នងការ​នគរបាល ជាតិ ថ្លែងប្រាប់​សារព័ត៌មាន ថា នឹង​ត្រួតពិនិត្យ​លើ​ករណី​នេះ ហើយ​បើ​មាន​ពិតប្រាកដ មែន​នឹង​ដាក់​វិន័យ​នគរបាល ឬ​ចាត់វិធានការ​តាម​ច្បាប់​៕