Home ពត៌មាន Update៖ អីយ៉ា​ស់​! ចាប់​បាន​បក្ស​ពួកក្មេង​ទំនើង​ដែល​កាន់​ដាវ​ចូល​កាប់​គ្នា បាន​ម្នាក់​ទៀត​ហើយ

Update៖ អីយ៉ា​ស់​! ចាប់​បាន​បក្ស​ពួកក្មេង​ទំនើង​ដែល​កាន់​ដាវ​ចូល​កាប់​គ្នា បាន​ម្នាក់​ទៀត​ហើយ

141
0

កំពង់ឆ្នាំង​៖ ​ក្រុម​ក្មេង​ទំនើង​មួយ​បង្ក​ការ​អុកឡុក​វ៉ៃ​កាប់​ចាក់​គ្នា​ក្នុង​ពិធីបុណ្យ​ចូល​ឆ្នាំង​ថ្ងៃ​ទី​៣​ផ្អើល​ភ្ញៀវ​ជាតិ និង​អន្តរជាតិ​រត់​ជាន់​គ្នា​ព្រាត​។ ហេតុការណ៍​ភ្ញាក់ផ្អើល​រត់​ជាន់​ជើង​គ្នា​នេះ​កើតឡើង​នៅ​រសៀល​ថ្ងៃ​ទី​១៦​មេ​សា​២០១៩ នៅ​ក្នុងភូមិ​ឧកញ៉ា ប៉ា​ង ស្ថិត​ក្នុង​ឃុំ​លង្វែក ស្រុក​កំពង់ត្រឡាច ខេត្តកំពង់ឆ្នាំង ។

ប្រភព​ពី​កន្លែង​កើតហេតុ​ការណ៍​បានអោយ​ដឹង​ថា មុន​ពេល​កើតហេតុ​មាន​បងប្អូន​ប្រជាពលរដ្ឋ ភ្ញៀវ​ជាតិ​និង​អន្តរជាតិ​បាន​មក​លេង​កំ​សាន​ក្នុង​តំបន់​វត្ត​ត្រឡែងកែង​ស្រាប់តែ​មាន​ក្រុម​ក្មេង​ស្ទាវ​ពី​ក្រុម​មាន​ទំនាស់​ពាក្យ​សម្តី​គ្នា​បាន​ផ្ទុះ​ចេញ​ជា​ទំនាស់​អំពើ​ហិង្សា​ដេញ​កាប់​ចាក់​គ្នា​វក់វី​ធ្វើ​អោយ​ភ្ញៀវ និង​ប្រជាពលរដ្ឋ​ដែល​មក​លេង​កំ​សាន​ផ្អើល​ឆោឡោ​រត់​ជាន់​គ្នា​ព្រាត ។

នៅ​ក្ន​ង​ហេតុ​ការ​កាប់​ចាក់​គ្នា​ខាងលើ​នេះ​ត្រូវ​បាន​គេ​រិះគន់​ថា មិន​មាន​សមត្ថកិច្ច​ណា​ម្នាក់​ធ្វើការ​បង្ក្រាប នោះ​ឡើយ និង​បាន​ធ្វើ​អោយ​បងប្អូន​ប្រជាពលរដ្ឋ​ភ​យ័​ស្ក​ន់​ស្លោ​រត់​ជាន​ម​ជើង​គ្នា ។ ស្នងការ​រង​នគ​បាល​ខេត្តកំពង់ឆ្នាំង​លោក​ឩ​ត្តម​សេនីយ៍​ត្រី ប៉ុ​ល វុ​ទ្ធី បានអោយ​ដឹង​តាម​រយះ​ទូរ​សព្ទ័​នៅ ថ្ងៃ​ទី​១៧ ខែមេសា ២០១៩​ថា ក្រុម​ក្មេង​ទំនើង​បង្ក​ការ​អុកឡុក​ដេញ​កាប់​ចាក់​គ្នា​ផ្អើល​ក្នុង​វត្ត​ត្រ​ឡែ​ង កែង​នោះ​សុទ្ធតែ​ជា​អ្នក​មក​ពី​ខាង​ឧត្តុង្គ​មក​លេង​នៅ​ទី​នេះ​ក្រោយ​ពេល​កើតហេតុ​ពួ​គ​គេ​បាន​នាំ​គ្នា​ជិះ​ម៉ូតូ​គេច​ចេញ​អស់ហើយ​មក​ដល់​ពេល​នះ​នៅ​ម​ទាន់​មានការ​ឃាត់ខ្លួន​បាន​ម្នាក់​ណា​នោះ​ឡើយ ។ លោក​បាន​បញ្ជាក់​ថា​ពេល​នេះ​គេ​កុំ​ពង់​ធ្វើការ​ស្រាវជ្រាវ​។

ដោយឡែក​លោក​ឧត្តមសេនីយ៍ទោ ខូ​វ លី ស្នងការ​នគរបាល​ខេត្តកំពង់ឆ្នាំង​បាន​ឲ្យ​ដឹង​តាម​ទូរស័ព្ទ​នៅ ថ្ងៃ​ទី​១៨ ខែមេសា​នេះ​ថា ក្រុម​ក្មេង​ទំនើង​ទាំងនេះ​សមត្ថកិច្ច​បាន​ធ្វើការ​ចាប់​ឃាត់ខ្លួន​២​នាក់​ហើយ​។ ឡូ​វ​នេះ​លោក​កំពុង​បន្ត​ចាប់​បក្ខពួក​បន្ថែម​ទៀត​៕